Ajudar a Ràdio País

Aperet a ajuda Ràdio País

Car@s auditor@s e amics,

Qu’ei un aperet urgent a ajuda, a solidaritat.

Ràdio País n’a pas arren a véner, qu’ei publica.
Ajudas publicas qu’an baishat en 2013 (-30 000 euros : Estat e Conselh Generau deus Pirenèus-Atlantics).
Non i a pas nat hons de rotlament e nada dinereria a Ràdio País.
La fragilitat qu’ei vaduda dangèr.
Ràdio País que son 3 jornalistas, 1 animator, 2 tecnicians, 1 productora coordinatora delegada, 1 administrativa, 168 òras de programas per setmana 24/24h 7/7d, ua navèra formula lo matin Good morning occitània, un trentenat d’animators benevòles, navèths programas d’espelir en Bearn, Gèrs e en Bigòrra.

Si apreciatz lo tribalh hèit per Ràdio País despuish mei de trenta ans, si ètz per ua pluralitat d’expression e per ua ràdio en occitan, qu’ei adara que cau agir.

Que podetz har un virament


Si’u hètz permanent qu’afavorirà ua perennizacion de l’utís, formulari de trobar en picar ací.

Que podetz adreçar los vòstes chècs :
Ràdio País
ZA117
2, carrèra màger – rue principale
64230 PUEI – POEY-DE-LESCAR
Un recebut que’vs serà enviat entaus impòsts.
Mercés.
L’equipa de Ràdio País