En Ondas difusions tornar d’estiu

En Ondas de Domenja Lekuona lo dimèrcs 10 a 21h, lo dijaus 11 a 14h e lo dimenge 14 d’aost a 11h : en navèra difusion l’emission deu 10 de noveme de 2009
Prumèra part de l’emission : Tricastin e EPR, lo nuclear francés dens la tormenta. Mercés a las alèrtas deu hialat Sortir du Nucléaire. Tanben lo 10au prèmi Aran de literatura. Règlament e rensenhaments. : Airau de Politica Lingüistica deth Departament de Cultura deth Conselh generau d’Aran, Passeg dera libertat, 16 – 25530 Vielha, Val d’Aran ; +34 973 64 18 01

Domenja Lekuona qu’encontra apuish a Isabèla Loubère per ua lectura-performància extraordenariament captivanta (acompanhada per Fabrice Vieira : guitarra, sons e votz tractats) deu terratrem poëtic qui ei tostemps Accidents de Bernard Manciet

Musicas :
Elena Ledda « Armagura » Carinnus,

Kate Bush « Sea of honey » Joanni,

Björk « Volta » Earth Intruders,

Julio Peraira « Miradouro » Bora d’aqua,

Miles Davis « A kind of blue » All blues,

Manufactures Verbales « Sonets de Bernat Manciet » Au barrei dab Isabèla Loubère e Còpa, talha talhuca de la quita votz de Manciet . Faiçon per nosautes d’evocar Berlin e la soa istòria. La magia de l’encontre d’ua dròlla dab Manciet l’òmi madur, l’òmi vielh e tanben lo becut en quauque part qu’a dat ua interprèta hòra nòrma e shens comparèr au poèta.